बाढीपहिरो र डुबानमा १७० जनाको मृत्यु - पछिल्लाे अपडेटसहित्
- गाउँ सहर संवाददाता
- १३ असोज आइतबार, २०८१ | २०:४८:०० मा प्रकाशित
काठमाडौँ । अविरल वर्षाका कारण आएको बाढी, पहिरो र डुबानबाट हालसम्म १७० जनाको ज्यान गएको छ । गृह मन्त्रालयले आइतवार साँझ पत्रकार सम्मेलन गरी उक्त जानकारी गराएको हो ।
मन्त्रालयका सहसचिव एवं प्रवक्ता ऋषिराम तिवारीले असोज १० गतेदेखि देशका अधिकांश ठाउँमा परेको अविरल वर्षाका कारण बाढी, पहिरो र डुबानका घटनाबाट हालसम्म १७० जनाको मृत्यु र ४२ जना बेपत्ता भएको जानकारी दिए । उनले १११ जना व्यक्ति घाइते रहेको बताए ।
उनले विपद्बाट प्रभावितको खोज तथा उद्धारका लागि सबै सुरक्षानिकाय परिचालन भई निरन्तर काम गरिरहेको जानकारी गराए । उनले हालसम्म ४ हजार विपद्प्रभावितको उद्धार गरिएको र काभ्रेपलाञ्चोक, सिन्धुली, ललितपुरलगायतका जिल्लामा विभिन्न ठाउँमा घाइते भएका र अलपत्र परेका १६२ जनाको नेपाली सेनाको हेलिकप्टरमार्फत उद्धार गर्नुका साथै खाद्यान्न साथै आपत्कालीन राहत सामग्री उपलब्ध गराइएको बताए ।
प्रवक्ता तिवारीले भने, ‘देशका अधिकांश स्थानमा परेको अविरल वर्षाका कारण बाढी, पहिरो र डुबानबाट हालसम्म प्राप्त विवरणअनुसार १७० जनाको मृत्यु, ४२ जना बेपत्ता भएका छन् भने १११ जना घाइते रहेको अवस्था छ ।’
उनले घाइतेहरूको सरकारी अस्पतालमा निःशुल्क उपचार भइरहेको र खोज तथा उद्धार र राहतलाई उच्च प्राथमिकताका साथ निरन्तरता दिइरहेको बताउँदै अवरुद्ध राजमार्ग तत्काल सञ्चालनमा ल्याउन मन्त्रालयले पहल गरिरहेको बताए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- कवि शिरोमणि लेखनाथ जन्मजयन्तीमा विविध पुरस्कार
- ग्लोबल आइएमई बैंकको वार्षिकोत्सवमा सातै प्रदेशमा प्रभातफेरी
- आज गुरुङ समुदायले ‘तमु ल्होसार’ विभिन्न कार्यक्रम गरि मनाइँदै
- पोखरामा ई–लाइब्रेरी सम्बन्धी तालिम सम्पन्न
- ग्लोबल आइएमई बैंकको १८औँ वार्षिकोत्सवको अवसरमा विद्यार्थी लक्षित वित्तीय साक्षरता कार्यक्रम
- उत्पादन नहुँदा हेटौँडा सिमेन्ट उद्योगमा आर्थिक सङ्कट बढ्याे
- राष्ट्रपति रामचन्द्र पौडेलद्वारा सहकारीसम्बन्धी अध्यादेश जारी
- क्यान्सरलाई जितेर फर्किँदै राप्रपाका धवलशमशेर
- कालिकोटमा भूकम्प
- एक–दुई स्थानमा हल्का वर्षाको समेत सम्भावना, तराई तथा काठमाडौँ उपत्यका र खोचमा हुस्सु
प्राप्त प्रतिक्रिया
तपाईँको मत
प्रतिकृया दिनुहोस