शिक्षा

लिटल फ्लावरका एसईई उत्तीर्ण विद्यार्थीहरुलाई बधाई कार्यक्रम सम्पन्न

• गाउँ सहर संवाददाता
• १५ असार शनिबार, २०८१ | २०:५९:०० मा प्रकाशित

कास्की । पोखरा-२७ रिठेपानीमा रहेको लिटल फ्लावर एजुकेशनल एकेडेमीले शैक्षिक सत्र २०८० मा एसईई परीक्षा उत्तीर्ण विद्यार्थीहरुलाई बधाई कार्यक्रम सम्पन्न गरेको  छ

विद्यालयका प्रिन्सिपल विकल पौडेलको अध्यक्षतामा भएको कार्यक्रममा सञ्चालक सदस्य  दिपेन्द्र राईले विद्यार्थीको भावी जीवनको उज्वल भविष्यको कामना गरेका थिए ।

प्रिन्सिपल पौडेलले भविष्यमा पनि उत्कृष्ट नतिजा ल्याउन शुभकामना दिए । कक्षा ११, १२ संयोजक विष्णुहरि पौडेलले स्वागत मन्तव्य राख्दै  कक्षा ११ मा व्यवस्थापनतर्फका विषय रोज्नेहरुलाई लिटल फ्लावरलाई नै पहिलो रोजाइमा पार्न आग्रह समेत गरे ।

कक्षा दशमा अध्यापन गराएका शिक्षकहरुलाई समेत सम्मान गरिएको उक्त कार्यक्रममा सञ्चालक सदस्य  रामप्रसाद अधिकारी र व्यवस्थापनतर्फका शिक्षक मोतिप्रसाद गुरुङले पनि  शैक्षिक सत्र २०८० मा विद्यालयबाट एसईई परीक्षा उत्तीर्ण विद्यार्थीहरुलाई बधाई ज्ञापन गर्दै भावी जीवनको शुभकामना दिएका थिए ।

एसईई परीक्षा उत्तीर्ण विद्यार्थी कुश विश्वकर्माले आफ्नो धारणा राखेका थिए भने कार्यक्रमको सञ्चालन अतिरिक्त क्रियाकलाप संयोजक विचित्र न्यौपानेले गरेका थिए ।

विद्यालयबाट यस वर्ष ३४ विद्यार्थीहरु उत्तीर्ण भएका थिए ।