शिक्षा

जुनियर सिटिजन्सले जित्यो लिटल फ्लावर एसईई कप फुटबल

• गाउँ सहर संवाददाता
• ९ असार आइतबार, २०८१ | १८:२६:०० मा प्रकाशित

पोखरा । पोखरा महानगरपालिका वडा नं २७ रिठेपानीस्थित लिटल फ्लावर एजुकेशनल एकेडेमीको आयोजनामा सम्पन्न एसईई कप सेभेन ए साइड फुटबल  प्रतियोगिता जुनियर सिटिजन्स एकेडेमीले जितेको छ ।  

एसईई दिएर बसेका विद्यार्थीहरुलाई लक्षित गरेर विद्यालयले असार ८ र ९ गते दुई दिवसीय रुपमा प्रतियोगिता सञ्चालन गरेको थियो ।

नक आउटका आधारमा सञ्चालन भएको प्रतियोगिता अन्तर्गत आइतबारको फाइनल खेलमा डायमण्ड माविलाई १–० को अन्तरले हराएर जेसिएले उपाधी हासिल गरेको हो ।

लेखनाथ क्षेत्रका १९ विद्यालयका एसईई दिएर बसेका विद्यार्थीहरुका समूहले सहभागिता जनाएको प्रतियोगितामा प्रथम भएर जुनियर सिटीजन्स एकेडेमीले १५ हजार नगदसहित शिल्ड, मेडल र प्रमाणपत्र प्राप्त गरेको खेल संयोजक विचित्र न्यौपानेले जानकारी दिए ।  

यसै गरी दोस्रो हुन सफल डायमण्ड माविले १० हजार रुपैयाँ नगदसहित शिल्ड, मेडल र प्रमाणपत्र प्राप्त ग¥यो ।

समापन तथा पुरस्कार वितरण समारोहमा बोल्दै नेशनल प्याब्सन कास्कीका अध्यक्ष हेमन्त अधिकारीले खलकुदले व्यत्तित्व विकासमा ठूलो योगदान गर्ने बताए।  

प्रिन्सिपल बिकल पौडेल, नेशनल प्याब्सन कास्कीका उपाध्यक्ष मनकाजी गुरुङ, सचिव प्रेमराज अधिकारी, सदस्य शिवराज पौडेल, विद्यालय ब्यवस्थापन समितिका उपाध्यक्ष मनप्रसाद गुरुङ, राइजिङ्ग स्टार युवा क्लबका अध्यक्ष यमप्रसाद गुरुङ्ग लगायतले पुरस्कार वितरण  गरेका थिए ।