खेल

नेपाल र वेस्ट इन्डिज ‘ए’ बीच हुने शृंखलाको तालिका सार्वजनिक

• गाउँ सहर संवाददाता
• २ बैशाख आइतबार, २०८१ | २१:४१:०० मा प्रकाशित

काठमाडौं । टेस्ट राष्ट्र वेस्ट इन्डिज ‘ए’ टोलीसँग हुने पाँच खेलको ट्वान्टी-२० शृंखलाको तालिका सार्वजनिक भएको छ ।

नेपाल क्रिकेट संघ (क्यान)ले आइतबार सामाजिक सञ्जालमार्फत वेस्ट इन्डिज ‘ए’सँगको तालिका सार्वजनिक गरेको हो ।

कीर्तिपुरस्थित त्रिवि क्रिकेट मैदानमा हुने शृंखला अप्रिल २७ देखि मे ४ सम्म हुनेछ । सार्वजनिक तालिकाअनुसार नेपालले पहिलो खेल अप्रिल २७ मा, दोस्रो अप्रिल २८ मा, तेस्रो मे १ मा, चौथो मे २ मा र अन्तिम मे ४ मा हुनेछ ।

नेपाली राष्ट्रिय क्रिकेट टिमले ट्वान्टी–२० विश्वकपअघि तयारीस्वरूप घरेलु मैदानमा क्रिकेट शृंखला खेल्न लागेको हो ।