रामेछापमा सुमाे पल्टिँदा तीन जना घाइते
- गाउँ सहर संवाददाता
- २५ चैत आइतबार, २०८० | १६:४७:०० मा प्रकाशित
रामेछाप । रामेछापको खाँडादेवीबाट काठमाडौंतर्फ जाँदै गरेकाे टाटा सुमो दुर्घटना हुँदा तीन जना घाइते भएका छन्। घाइतेहरूकाे उपचारका लागि काठमाडाैं पठाइएकाे छ ।
घाइते हुनेहरूमा खाँडादेवी गाउँपालिका पिङ्खुरी का २४ वर्षीय छोरा दीपेन्द्र भण्डारी र सोही वडा बस्ने १६ वर्षीया एलिशा भण्डारी र १४ वर्षीया यमुना भण्डारी रहेका छन् ।
घाइते दुवै दिदीबहिनीको हातखुट्टामा सामान्य चोट लागेको छ । उनीहरूको स्थानी मेडिकलमा सामान्य उपचार पश्चात् थप उपचारको लागि काठमाडाैं पठाइएको जिल्ला प्रहरी कार्यालय रामेछापले जनाएको छ ।
त्यस्तै दुर्घटनामा परेका दीपेन्द्र भण्डारीको छाती र मुखमा चोट लाग्दा मध्यम अवस्था रहेको र बोल्न सक्ने अवस्थामै थप उपचारको लागि उनलाई बि.एण्ड.बि. अस्पताल ललितपुर पठाइएको जिल्ला प्रहरी कार्यालय रामेछापका प्रहरी निरीक्षक एवं प्रवक्ता रञ्जन गिरीले जानकारी दिए ।
पिङ्खुरीबाट काठमाडाैं जाँदै गरेको ना.१ज.५६२६ नम्बरको सुमो सडकबाट अन्दाजी ३५ मिटर तल खसेको थियाे ।
दुर्घटनामा परेको सुमो चालक २२ वर्षीय विष्णु भण्डारीलाई प्रहरीले नियन्त्रणमा लिएर इलाका प्रहरी चौकी चोप्राङमा ल्याई थप अनुसन्धान भइरहेको जिल्ला प्रहरी कार्यालयले जनाएकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- संसदको बजेट अधिवेशन आव्हान
- शेयरबजार : काराेबार रकम ४ अर्ब नाघ्याे, नेप्सेमा सामान्य अंककाे गिरावट
- रोहित भर्सेस वेस्टइन्डिज ‘ए’ ! तेस्रो हारसँगै नेपालले सिरिज गुमायो
- राष्ट्र बैंकको कारबाहीमा परे ६ बैंक
- जितका लागि वेस्ट इन्डिज ‘ए’ ले दियाे नेपाललाई विशाल लक्ष्य
- जितका लागि वेस्ट इन्डिज ‘ए’ ले दियाे नेपाललाई विशाल लक्ष्य
- टी-२० विश्वकप खेल्ने नेपाली टोलीमा समेटिए यी खेलाडीहरू
- काठमाडौंमा सुरू भयाे सीप मेला, २०८१ जनालाई रोजगारी दिने लक्ष्य
- वेस्टइन्डिज ‘ए’सँग फराकिलो अन्तरले पराजित भयाे नेपाल
- साउन १ गतेदेखि पशुपतिमा विद्युतीय शवदाह निःशुल्क
प्रतिकृया दिनुहोस