गाउँ सहर

४ रुपैयाँमा केश काटेर शैलुनकाे वार्षिकाेत्सव

• गाउँ सहर संवाददाता
• २ चैत शुक्रबार, २०८० | ०७:४३:०० मा प्रकाशित

काठमाडौँ । ४ रुपैयाँमा केश काटेर बि.स्टार एकेडेमी एण्ड युनिसेक्स शैलूनले चौथो वार्षिकोत्सव मनाएको छ । शैलूनका सञ्चालक एंव मेकअप आर्टिस्ट बिक्रम गौतमको सभापतित्वमा शैलूनको बुढानीलकण्ठ नगरपालिका मेयर मीठाराम अधिकारीको प्रमुख आतिथ्यतामा, वडा नं १२ का वडाध्यक्ष शम्भु भट्टराई, वडा नं १० का वडाध्यक्ष नमराज भट्टराईको विशिष्ट आतिथ्यतामा कार्यक्रम सम्पन्न भएको हो ।

प्रमुख अतिथिको रुपमा सम्बोधन गर्नुहुँदै मेयर अधिकारीले युवालाई स्वदेशमै केही गर्न सकिन्छ भन्ने उदाहरण बनेकोमा सञ्चालक गौतमलाई बधाई एंव शुभकामना व्यक्त गरे । उनले आफुले सकेको सहयोग गर्ने प्रतिवद्धता व्यक्त गरे ।

त्यसैगरी बुनपा वडा नं १० का वडाध्यक्ष नमराज भट्टराईले शुभकामना दिँदै सञ्चालक गौतमको उज्वल भविष्यको कामना गरे । उनले गौतम प्रतिभाका धनी रहेको र धेरैलाई रोजगार प्रदान गरेको भन्दै प्रशंसा गरे ।

त्यसैगरी हरि निरौला 'कक्रोज' ले सञ्चालक गौतमको प्रशंसा गर्दै मेकअप आर्टिस्ट गौतमको मेहनत र संघर्षले यो स्थानसम्म आइपुगेको भन्दै चर्चा गरे ।

कार्यक्रममा कलाकार दीपक आचार्य 'काकु', सागर लम्साल बले, सुबोध गौतम 'एकदुमे', भरतमणि पौडेल,सुरक्षा इटानि, रश्मी पाण्डे, पवन खतिवडा, नवीन थापा, नव नवीन खतिवडा, पुरुषोत्तम आचार्य, बबिन राई, असोक धिताल, कुमार प्रयास, गोकुल अधिकारी लगायतका कलाकारले शुभकामना मन्तव्य राखेका थिए ।

सञ्चालक गौतमले आफु ड्राइभर बन्न काठमाडौँ आएको बताउँदै बि.स्टार एकेडेमी एण्ड युनिसेक्स शैलून स्थपना कालदेखी हालसम्मको संघर्षको कुरा सुनाए ।

कार्यक्रममा कलाकार,पत्रकार,समाजसेवी एंव विशिष्ट व्यक्तिहरुको उपस्थिती रहेको थियो ।