शिक्षा

वडास्तरीय वक्तृत्वकलामा शान्ति उदयका रिदम प्रथम 

• गाउँ सहर संवाददाता
• ३१ भदौ आइतबार, २०८० | १३:०४:०० मा प्रकाशित

पोखरा । ५९ औं बाल दिवसकाे अवसर पारी पोखरा महानगरपालिका वडा नं ३३ मा सम्पन्न वडास्तरीय वक्तृत्वकला प्रतियोगितामा शान्ति उदय माध्यमिक विद्यालयका रिदम लम्सालले प्रथम स्थान हासिल गरेका छन्।

वडा बाल मञ्चकी अध्यक्ष कञ्चन लिम्बूको अध्यक्षता मा सम्पन्न भएको कार्यक्रमममा वडाध्यक्ष रामचन्द्र अधिकारीले बाल प्रतिभा प्रस्फुटनमा प्रतियोगिताले सहयोग पुग्ने विश्वास व्यक्त गरे। 

प्रतियोगितामा कालिका माध्यमिक विद्यालयकी प्रनिशा बानियाले द्वितीय, मर्निङ ग्लोरी एकेडेमीका कुशल कँडेलले तृतीय तथा सरस्वती टीका माविकी पुष्पा कार्कीले चतुर्थ स्थान हासिल गरेका छन्।  

पत्रकार विष्णुहरि पौडेल, त्रिवेणी इन्टरनेशनल कलेजका सहायक क्याम्पस प्रमुख डिल्लिराम पाैडेल र वडा सचिव युवराज पाैडेल निर्णायक रहेकाे प्रतियोगितामा २० प्रतियोगीले प्रतिस्पर्धा गरेका थिए।

 विजयी भएकाहरुलाई बधाई सहित वडा सदस्यहरू दुर्गा थापा केसी, प्रकाश कार्की, विनोद भण्डारी र लीला नेपालीले पुरस्कार वितरण गरेका थिए । 

कार्यक्रमको सञ्चालन बाल क्लबकी सह सचिव सुष्मा थापाले गरेकी थिइन्।  २८ गते राष्ट्रिय शोक भएका कारण कार्यक्रम शनिबारका लागि सारिएको थियो।