राजनीति

सत्ता गठबन्धनको बैठक सुरु : आज साँझ न्यूनतम साझा कार्यक्रम सार्वजनिक गर्ने तयारी

• गाउँ सहर संवाददाता
• २३ चैत बिहीबार, २०७९ | १०:५२:०० मा प्रकाशित

काठमाडौं । सत्तारुढ दशदलको बैठक प्रधानमन्त्रीको सरकारी निवास बालुवाटारमा सुरु भएको छ । गठबन्धनको न्यूनतम साझा कार्यक्रमको मस्यौदालाई अन्तिम रूप दिन बैठक बसेको हो ।

प्रधानमन्त्री पुष्पकमल दाहाल प्रचण्ड नेतृत्वको सरकारले आज (बिहिबार) साझ ५ बजे न्यूनतम साझा कार्यक्रम सार्वजनिक गर्ने तयारी गरेको छ ।

यसअघि सत्ता साझेदार दलका नेताहरु सम्मिलित कार्यदललाई न्युनतम साझा कार्यक्रम तयार पार्न जिम्मेवारी दिइएको थियो ।

कार्यदलमा नेपाली कांग्रेसका नेता रमेश लेखक, माओवादी केन्द्रका शक्तिबहादुर बस्नेत, जसपाका राजेन्द्र श्रेष्ठ, एकीकृत समाजवादीका विजय पौडेल लगायत सदस्य छन् ।