समाज

प्रधानमन्त्री प्रचण्डले पाए प्रतिनिधि सभामा विश्वासको मत

• गाउँ सहर संवाददाता
• ६ चैत सोमबार, २०७९ | १७:४०:०० मा प्रकाशित

काठमाडौं । प्रधानमन्त्री पुष्पकमल दाहाल प्रचण्डले आज प्रतिनिधि सभामा विश्वासको मत पाएका छन् । आज दिउँसो १ बजे बसेको बैठकमा प्रधानमन्त्री प्रचण्डले विश्वासको मत लिएका हुन् ।

संसद बैठकमा उपस्थित २६२ सांसदहरुमध्ये प्रचण्डले १७२ मत पाएका हुन्।

सत्ता समीकरण फेरिएसँगै एमाले र राप्रपाले सरकारको समर्थन फिर्ता लिँदै सरकारबाट बाहिरिएकाले प्रचण्डले पुनः विश्वासको मत लिएका हुन् । समर्थन गरेको दलले समर्थन फिर्ता लिएको ३० दिनभित्र विश्वासको मत लिनुपर्ने संवैधानिक व्यवस्था छ ।