विश्व
साउदी अरेबियाले महिलालाई पनि सवारी चालक अनुमति पत्र दिन सुरू
- २२ जेठ मंगलबार, २०७५ | १२:२९:०० मा प्रकाशित
रियाद । साउदी अरेबियाले महिलालाई पनि सवारी चालक अनुमति पत्र (लाइसेन्स) दिन सुरू गरेको छ ।
त्यहाँको ट्राफिक निर्देशनालयले सोमबार १० महिलालाई लाइसेन्स दिएको छ ।
उनीहरूले साउदीको लाइसेन्स लिन आफूसँग भएको विदेशी लाइसेन्स निर्देशनालयमा बुझाएका थिए ।
सूचना मन्त्रालयले जारी गरेको विज्ञप्तिमा अर्को सातासम्म २ हजार महिलाले लाइसेन्स पाउने अपेक्षा गरिएको छ ।
यसअघि महिलालाई सवारी चलाउने अनुमति नदिने साउदी अरेबिया एकमात्र देश थियो ।
गत वर्ष सेप्टेम्बरमा साउदी राजाले इस्लामिक कानुनअनुसार महिलाले पनि लाइसेन्स पाउने घोषणा गरेका थिए ।
प्राप्त प्रतिक्रिया
तपाईँको मत
प्रतिकृया दिनुहोस