अर्थतन्त्र

रिलायबल नेपाल लाइफले ब्यतित बीमालेख नविकरणमा शतप्रतिशत ब्याज छुट

• गाउँ सहर संवाददाता
• ५ असोज बुधबार, २०७९ | २२:१३:०० मा प्रकाशित

काठमाडौं । रिलायबल नेपाल लाइफ इन्स्योरेन्स लिमिटेडले ब्यतित बीमालेखमा शत प्रतिशत ब्याज छुट दिने भएको छ । आफ्ना ग्राहकहरुको सुविधालाई ध्यानमा राखी कम्पनीले यस्तो व्यवस्था गरेको हो । यस सुविधा असोज ६ देखि असोज ३१ गतेसम्म मात्र लागू हुनेछ ।

उक्त अवधिमा पुनर्जागरण गराउने बिमीतहरुलाई लाग्ने ब्याजमा शत प्रतिशत छुट पाउने भएका छन् । २ बर्ष अगाडिदेखि व्यतित भएका बीमालेख लापेष्ड पोलिसीको पूनर्जागरण रिभाइबल गर्दा ब्याज छुट उपलब्ध गराइने भएको हो । बीमालेख पूनर्जागरण हुँदा बीमालेख अन्तर्गतको सम्पूर्ण सुविधा उपलब्ध हुनेदेखि लिएर बीमालेख अन्तर्गतको सबै जोखिम बहन सुविधा पुनः शुरु हुने प्रावधान छ ।

बीमालेख पूनर्जागरण गरेपछि बीमाशुल्क तिर्न बाँकी रहेको अवधिको समेत बोनस रकम बीमालेखको भुक्तानी प्राप्त गर्ने समयमा पाइने व्यवस्था छ । यस सम्बन्धी थप जानकारीको लागि अभिकर्ता वा नजिकको शाखा तथा उप–शाखा कार्यालयमा सम्पर्क गरी बुझ्न आग्रह गरेको छ ।