अर्थतन्त्र

जन्म दिनमा छाेरीलाई सिटिजन लाइफ इन्स्याेरेन्सकाे बीमालेख उपहार

• गाउँ सहर संवाददाता
• ३१ भदौ शुक्रबार, २०७९ | १०:२९:०० मा प्रकाशित

रूपन्देही । जन्म दिन अनि उपहार स्वभाविक मानिन्छ । तर पछिल्लो समयमा जन्म दिनमा दिइने उपहारको स्वरूप भने फेरिन थालेको छ । जन्म दिनमा फजूल खर्च गर्ने भन्दा बचत गर्ने बानी पनि शुरू हुन थालेको छ ।

तिलोत्तमा नगरपालिका वडा नं. ४ रुपन्देही बस्ने देउराली मेडीसेल्स कम्पनी प्रालिका संचालक शेषनारायण बस्याल र उनकी श्रीमती मनादेवी बस्यालले आफ्नो छोरीको जन्मोत्सवमा सबिना बस्यालको नाममा सिटिजनन लाइफ इन्स्योरेन्सको बाल भविष्य योजना बीमा पोलिसी खरिद गरि आफ्नो छोरीको भविष्य सुरक्षित गरि उपहार दिएका छन् ।

उनीहरूले छोरीको बीस लाखको बीमा खरिद गरि जन्मदिनको खुशीयाली मनाएका हुन् ।

सो अवसरमा सिटिजनन लाइफ इन्स्योरेन्सका भैरहवा एरिया प्रमुख नरेश सिग्देलले बीमाको महत्त्व र आवश्यकताबारे प्रष्ट पारेका थिए । प्रमुख सिग्देलले अभिभावकहरूले जन्म दिनमा छोराछोरीको नाममा फजूल खर्च गर्नुभन्दा उपहार स्वरुप बीमा पोलिसी खरिद गरिदिनु उज्जव सुरक्षित भविष्यको दीर्घकालीन सोच राख्नुपर्नेमा जोड दिए । उनले बीमा पोलिसी खरिद गर्ने सिग्देल दम्पितलाई धन्यबाद ज्ञापन गरे । 

पछिल्लो समय जन्म दिनमा बीमालेख उपहार दिने चलन बढ्दो रहेको छ । जसले अभिभावकमा बचत गर्ने बानीको पनि विकास हुँदै गएको छ ।