स्वास्थ्य

रामेछापका यी स्थानीय तहमा १० र १५ शैय्याका आधारभूत अस्पतालहरुको नमूना संगठन संरचना र दरबन्दी स्वीकृत

• गाउँ सहर संवाददाता
• ३ श्रावण मंगलबार, २०७९ | २२:१८:०० मा प्रकाशित

काठमाडौं । रामेछापका लागि चार वटा स्थानीय तहमा १० र १५ शैय्याका आधारभूत अस्पतालहरुको नमूना संगठन संरचना र दरबन्दी स्वीकृत गरेको छ ।

सरकारले स्थानीय तहमा सञ्चालनमा आउन लागेका ५, १० र १५ शैय्याका आधारभूत अस्पतालहरुको नमूना संगठन संरचना र दरबन्दी स्वीकृत गरेकोमा रामेछापमा लिखु तामाकाेशी गाउँपालिका,सुनापति गाउँपालिका, दाेरम्बा गाउँपालिका र उमाकुण्ड गाउँपालिकाका अस्पतालहरू परेका हुन् । 

जसअनुसार लिखु तामाकाेशी र दाेरम्बा गाउँपालिकाका लागि १५ र सुनापति र उमाकुण्ड गाउँपालिकाका लागि १० शैय्याका आधारभूत अस्पतालहरुको नमूना संगठन संरचना र दरबन्दी स्वीकृत भएकाे हाे । 

नमूना संरचना र दरबन्दी अनुसार ५ शैय्याको अस्पतालमा ८औं तहका मेडिकल अधिकृतको नेतृत्वमा १८ जना जनशक्ति रहनेछन् । १० शैय्यामा २ जना मेडिकल अधिकृतसहित २२ जना र १५ शैय्यामा ९ वा १०औं तहको नेतृत्वमा ३० जना जनशक्ति रहनेछन् ।

स्वास्थ्य तथा जनसंख्या मन्त्रालयको असार २१ गतेको निर्णय अनुसार नमूना संगठन संरचना र दरबन्दी स्वीकृत भएको हो ।

मन्त्रालयले स्वीकृत भएको नमूना संगठन संरचना र दरबन्दी सबै स्थानीय तहलाई पठाउन संघीय मामिला तथा सामान्य प्रशासन मन्त्रालयमा असार २७ गते पठाएको थियो ।

सोही पत्रका आधारमा सामान्य प्रशासन मन्त्रालयले सबै स्थानीय तहलाई सोमबार नमूना संगठन संरचना र दरबन्दी पठाएको छ ।

१० शैय्यामा २ जना मेडिकल अधिकृतसहित २२ जना र १५ शैय्यामा ९ वा १०औं तहको नेतृत्वमा ३० जना जनशक्ति रहनेछन् ।