साउने पहिलाे साेमबार हरियाे चुरा-पाेते, हरियाे नै शेयरबजार
- गाउँ सहर संवाददाता
- २ श्रावण सोमबार, २०७९ | १५:३०:०० मा प्रकाशित
काठमाडौं । साउन महिना हरियाे चुरा, हरियाे पाेते, हरियाे कुर्थासुरूवाल, हरियाे साडी मात्रै हाेइन हरियाली शेयरबजार पनि शुरू भएकाे छ ।
साउनको पहिलो दिन हिजाे आइतबार बजारमा सामान्य गिरावट आएको भएपनि दोस्रो दिन साेमबारकाे कारोबारमा भने सुधार देखिएको छ ।
यसदिन नेपाल स्टक एक्सचेञ्ज (नेप्से) दोहोरो अंकले बढेको छ । आज नेप्से १८.०३ अंकले बढेर २०२९.४३ विन्दुमा बन्द भएको हो ।
त्यस्तै, आज नेप्सेमा एक अर्ब ३१ करोड २९ लाख रुपैयाँ बराबरको कारोबार भएको छ ।
आज कारोबार भएकामध्ये दुई कम्पनीको शेयरमूल्यमा उच्च वृद्धि भएको छ । बरुण हाइड्रोपावर कम्पनी लिमिटेडको शेयरमूल्य ९.९८ प्रतिशतले बढेर प्रतिकित्ता २९८.६० रुपैयाँ कायम भएको छ भने इनर्जी नेपाल लिमिटेडको शेयरमूल्य पनि ९.६२ प्रतिशतले बढेर प्रतिकित्ता ७७४ रुपैयाँ पुगेको छ ।
नेप्सेका अनुसार आज सानीमा लार्ज क्याप फण्ड र कुमारी इकयुटी फण्डको शेयरमूल्यमा सबैभन्दा बढी गिरावट भएको छ । यस कम्पनीको शेयरमूल्य ५ प्रतिशत भन्दा बढीले घटेको हो ।
त्यस्तै, कारोबारको आधारमा आज सबैभन्दा बढी शिवम् सिमेन्टको भएको छ । यसको आज ९ करोड ३४ लाख भन्दा बढीको कारोबार भएको छ ।
नेपाल राष्ट्र बैंकले चालु आर्थिक वर्षको मौद्रिक नीति ल्याउने तयारी गरिरहेको बेला बजारमा दोहोरो अंकको सुधार देखिएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस