गाउँ सहर

पोखरा ३३ भरतपोखरीमा रचना वाचन, असारे भाका र रैथाने विमर्श

पोखरा ।  पोखरा महानगरपालिका वडा नं ३३ भरतपोखरीमा शनिवार रचना वाचन, असारे भाका र रैथाने विमर्श कार्यक्रम सम्पन्न भएको छ ।

सिर्जना र असार समूह साहित्य श्रृंखला पोखराका संयोजक स्ट्रगल रानाकोे अध्यक्षतामा भएको कार्यक्रममा कार्यक्रममा बोल्दै पोखरा साहित्य प्रतिष्ठानका कुलपति पदमराज ढकालले असारे भाका संरक्षण हुनुपर्ने बताउँदै गीतहरु समेत प्रस्तुत गरेका थिए ।

कार्यक्रममा माधव खतिवडा, विष्णुहरि पौडेल, बसन्धरी भुवाईको समूह, संगम साँस्कृतिक समूह, शिव अधिकारी, ज्ञानु आचार्य, भीमराज आश्रम, भीम रानाभाट लगायतका स्रष्टाले रचना वाचन गर्दै आआफ्ना प्रस्तुति राखेका थिए ।

सरस्वती टीका माध्यमिक विद्यालयका अध्यक्ष ऋषिराज आचार्यले स्वागत गरे भने काजी गाउँलेले कार्यक्रम सञ्चालन गरेका थिए । संस्थाका परिकल्पनाकार धनबहादुर तामाङ्ग, स्थानीय धनबहादुर भुजेल, हेम बहादुर थापा किरण लगायतले बोलेका थिए ।

गाउँ सहर संवाददाता