गाउँ सहर

१९ यात्रु र ३ जना चालक दलसहित उडेकाे थियाे तारा एयरकाे टुविन् अटर 9NAET

• गाउँ सहर संवाददाता
• १५ जेठ आइतबार, २०७९ | १४:०९:०० मा प्रकाशित

काठमाडाैँ । पाेखराबाट ९ः५५ बजे जाेमसाेमकाे लागि उडेकाे तारा एयरकाे टुविन् अटर 9NAET विमान अन्तिम पटक जाेमसाेम टावरसँग १०ः०७ बजे सम्पर्कमा आएकाे र साे पश्चात विमान सम्पर्क विहीन रहेकाे नागरिक उड्डयन प्राधिकरणले बताएकाे छ ।

उसले विमानको अवस्थाको खोजतलासका लागि फिस्टेल एयरको हेलिकप्टर पठाइएको र प्रतिकुल मौसमका कारण हेलिकप्टर पुनः जोमसोम नै फर्किएको बताएको हो ।

खोज तथा उद्धारका लागि थप हेलिकप्टरहरू स्टेण्डवाइ रहेको र मौसममा सुधार आउनसाथ हवाइमार्गबाट खोज कार्य गरिने तथा स्थलमार्गबाट पनि नेपाली सेना र नेपाल प्रहरीसमेत त्यसतर्फ प्रस्थान गरेको प्राधिकरणले बताएको छ ।