गाउँ सहर

चिनीमा आत्मनिर्भर हुने नेपाललाई सुनौलो मौका

काठमाडाैँ । भारतले चिनी निर्यातमा प्रतिबन्ध लगाउने निर्णय गरेसँगै सरकारले आपूर्ति सहज गर्नका लागि सरकारीस्तरमा भारतसँग पहल गर्ने विषयबारे छलफल सुरु गरेको अधिकारीहरूले बताएका छन् ।

आन्तरिक बजारमा चिनीको मूल्य बढ्न सक्ने सम्भावना औँल्याउँदै भारतले त्यस्तो निर्णय गरेको विवरणहरू सार्वजनिक भएका छन् । भारतले चिनी निर्यातमा प्रतिबन्ध लगाउने जनाए पनि हालसम्म त्यसको प्रभाव नेपालका बजारमा नपरिसकेको अधिकारीहरू बताउँछन् ।

भारतको द इकोनोमिक टाइम्स पत्रिकाका अनुसार बुधवारबाट भारतले चिनी निर्यातमा प्रतिबन्ध लगाउँदै छ ।

अधिकारीहरूका अनुसार यो वर्ष नेपालमा झन्डै १,२७,००० मेट्रिक टन चिनी उत्पादन भएको छ । नेपालमा मासिक २५ मेट्रिक टनको हाराहारीमा चिनी खपत हुने सरकारी तथ्याङ्क छ । नेपालको आन्तरिक उत्पादनले सातदेखि आठ महिना मात्रै बजार माग थेग्ने गरेकाे छ ।

हाल साल्ट्र ट्रेडिङले कर्पोरेशनले एक किलो चिनी ७९ रुपैयाँमा बेच्ने गरेको र बजार मूल्य भने ९६ रुपैयाँको हाराहारीमा रहेकाे छ ।

चिनी निर्यातलाई लिएर चाडपर्व नजिकिँदाे रहेकाे भन्दै अभाव हुने बताइरहेकाे बेला अब देशमा आत्मनिर्भर हुने बाटाे खुलेकाे कुरा कतै उल्लेख गरिएकाे छैन । याे सुनाैलाे अवसर हुनसक्छ, धेरै वर्ष पछिकाे । क्रमशः आयात घटाउन सकिएमात्र उत्पादनमा ध्यान गई समग्र क्षेत्रकाे उत्पादनमा वृद्धि हुने अवसरमा अब हामी चुक्नु हुन्न । किनकी थप चार महिना थेग्ने उत्पादन हामी गर्न नसक्ने हाेइन र असम्भव छैन ।

गाउँ सहर संवाददाता

तपाईँको मत