राजनीति

‘एमालेमा अन्तर्घात भयो’ — एमाले अध्यक्ष ओली

काठमाडाैँ । नेकपा एमाले अध्यक्ष केपी शर्मा ओलीले स्थानीय तह चुनावमा पराजयको प्रमुख कारण अन्तर्घात भएको बताएका छन् । एमाले संसदीय दलको बैठकमा बुधबार सम्बोधन गर्दै अध्यक्ष ओलीले यस पटकको चुनावमा अन्य दलमा नभई एमालेभित्र अन्तर्घात भएको बताएका हुन् ।

उनले यसपटककाे चुनावमा कांग्रेस, मा‌‌ओवादी र माधवकुमार नेपालको पार्टीबाट नभएर भित्रैबाट अन्तर्घात भएकाे बताए । उनले भने, "यो कहाँबाट सिके यस्तो यस विषयमा बृहत्‌रुपमा समीक्षा गरिनुपर्छ ।"

वैशाख ३० गते भएको स्थानीय तहको चुनावी परिणाम सार्वजनिक भएपछि अध्यक्ष ओलीले पहिलो पटक प्रतिक्रिया दिएका हुन् । ओलीले सत्ता गठबन्धनले सत्ता दुरुपयोग गरेर पनि चुनावी परिणामलाई आफ्नो पक्षमा पारेको आरोप लगाए ।

यसअघि पनि एमालेले निर्वाचन मतपरिणाममाथि नकारात्मक टिप्पणी गरेकाे थियाे ।

गाउँ सहर संवाददाता

तपाईँको मत