गाउँ सहर

किशोरीलाई बलात्कार गरेको आरोपमा दुईजना प्रहरी नियन्त्रणमा

काठमाडाैं । किशोरीलाई बलात्कार गरेको आरोपमा दुईजना पक्राउ परेका छन् । रूकुम पूर्वमा १६ वर्षीया किशोरीलाई बलात्कार गरेको आरोपमा दुईजना पक्राउ परेकाे प्रहरीले जानकारी दिएकाे छ । 

पक्राउ पर्नेमा पुथाउत्तरगंगा गाउँपालिका–१, मैकोट बस्ने २९ वर्षीय तीर्थफल परियार र सोही ठाउँ बस्ने ३० वर्षीय हिन्दुल परियार छन् ।

उनीहरूले ती किशोरीलाई सोही गाउँपालिकास्थित स्यानापातल जंगलमा लगी बलात्कार गरेको सूचनापछि प्रहरीचौकी हुकामबाट खटिएको टोलीले दुवैजनालाई पक्राउ गरेको जनाइएको छ ।

यस सम्बन्धमा थप अनुसन्धान भइरहेकाे प्रहरीले बताएकाे छ । 

गाउँ सहर संवाददाता

तपाईँको मत