गाउँ सहर

‘लोडसेडिङ अन्त्य एउटा फड्को, अब पालो निःशुल्क बिजुलीको’ भन्दै माओवादीले कुलमानकाे फाेटाे प्रयाेग गरेपछि...

• गाउँ सहर संवाददाता
• ३० चैत बुधबार, २०७८ | १२:२७:०० मा प्रकाशित

काठमाडाैं । बुधबार बिहानै नेकपा (माओवादी केन्द्र)ले चुनावी चुनावी प्रचार सामग्रीमा नेपाल विद्युत् प्राधिकरणका कार्यकारी निर्देशक कुलमान घिसिङको फोटोसहितकाे प्रचार सामाग्री सामाजिक संजालमा प्रकाशित गरेपछि धेरैका ध्यानाकर्षण भयाे ।

पार्टीको प्रचार गर्न प्रकाशित एउटा पोस्टरमा घिसिङको तस्बिर समेत समावेश गरिएको छ । पोस्टरमा अध्यक्ष पुष्पकमल दाहाल ‘प्रचण्ड’, अर्थमन्त्री एवं माओवादी केन्द्रका केन्द्रीय सदस्य जनार्दन शर्मासँगै घिसिङको तस्बिर प्रयोग गरिएको थियाे ।

तीनजनाको तस्बिरसहितको पोस्टरमा लेखिएको छ, ‘अँध्यारोबाट उज्यालोको यात्रा’ ।

उक्त पोस्टर प्रचण्डलगायत नेताको आधिकारिक फेसबुक पेजमा सेयर गरिएको छ । प्रचण्डको फेसबुकमा पोस्टर सेयर गर्दै लेखिएको छ, ‘लोडसेडिङ अन्त्य एउटा फड्को, अब पालो निःशुल्क बिजुलीको’ ।

प्रचार सामग्रीमा प्रयोग भएको नेपाल विद्युत् प्राधिकरणका कार्यकारी निर्देशक कुलमान घिसिङको फोटो हटाएको छ ।

माओवादी अध्यक्ष पुष्पकमल दाहाल प्रचण्डले सामाजिक सञ्जालमा राखेको प्रचार सामग्रीमा कुलमानको पनि फोटो प्रयोग भएको थियो ।

कुलमानको फोटो प्रयोग भएकोमा आलोचना भएपछि प्रचण्डले आफ्नो सामाजिक सञ्जालमा राखेको प्रचार सामग्री हटाएका छन् ।

नेपाल विद्युत् प्राधिकरणका कार्यकारी निर्देशक कुलमान घिसिङले पनि चुनावी प्रचार सामग्रीमा प्रयोग भएको आफ्नो फोटो हटाउन माओवादीलाई आग्रह गरेका थिए ।

तर अहिले त्यो पोष्ट हटाइएको छ र त्यसमा प्रचण्डको मात्र तस्वीर अंकित सामग्री राखिएको छ ।