गाउँ सहर

पशुपति क्षेत्र विकास कोषले पशुपति धर्मशालामा लगायाे ताला

काठमाडाैं । पशुपति क्षेत्र विकास कोषले नेपाल भारत मैत्री धर्मशालामा ताला लगाएको छ । बतास समूहले छोड्न नमानेपछि कोषले शुक्रबार गएर धर्मशालामा ताला लगाएको हो । धर्मशालाका दुई वटा मुख्य गेटमा ताला लगाइएको कोषाध्यक्ष नारायणप्रसाद सुवेदीले जानकारी दिएका छन् । 

‘सदस्यसचिव, कार्यकारी निर्देशकसहितका पदाधिकारी गएर धर्मशाला छोड्न अनुरोध गरे पनि बतास समूहले अटेर गरेपछि ताला लगाइएको हो,’ सुवेदीले बताए ।  कोषले ताला लगाउँदा बतास समूहका कर्मचारी धर्मशालाभित्रै थिए ।

‘उनीहरूलाई बाहिर-भित्र गर्ने ढोकाहरू खुल्लै छन्, धर्मशालाका सामान हराउन सक्छन्, तिनलाई सुरक्षित राख्नका लागि मूल गेटमा ताला लगाइएको हो,’ सुवेदीले भने ।

धर्मशालामा बतास समूहका कसैलाई पनि थुनेको कुरा सत्य नभएको उनले जनाए । उनीहरू सहजै रूपमा ढोकाबाट भित्र-बाहिर गर्न सक्ने उनले बताए । चैत १४ गते बतास समूहसँगको सम्झौता भंग गर्दै कोषले धर्मशाला छोड्न भन्दै आएको थियो । ‘लामो समयसम्म छोड्न मान्नुभएको छैन,’ सुवेदीले भने ।

गाउँ सहर संवाददाता

तपाईँको मत