राजनीति

असम्भव एजेण्डा बाेकेर आफ्नाे र युवाहरूकाे भविष्यमाथि खेलवाड नगर्न थापाकाे आग्रह

• गाउँ सहर संवाददाता
• १७ चैत बिहीबार, २०७८ | १३:१२:०० मा प्रकाशित

काठमाडाैं । राप्रपा नेपालका अध्यक्ष कमल थापाले राजसंस्था बाेकेर बाेकेर युवाहरूकाे भविष्यमाथि खेलवाड नगर्ने आव्हान गरेका छन् । 

असम्भव एजेण्डा बाेक्नुकाे अर्थ नरहेकाले आफूले पनि छाडेकाे बताउँदै थापाले भने- २०६३/०६४ ताका "मरेकाे लाश नबाेकाैँ दाई भनेर सल्लाह दिने भाईहरू अहिले पार्टी कब्जा गरेर मलाई धुवाँधार गालीकाे वर्षा गरिरहेकाे देख्दा हासाे लाग्छ । गाली गलाैजकाे सट्टा निर्मल निवासलाई साेध्नाेस्-गत १५ वर्षमा राजसंस्थाले पुन:स्थापना गर्न राजाकाे के भूमिका रह्याे ? पटक पटक राप्रपा कमजाेर पार्ने काम किन भयाे ?"

थापाले सामाजिक सञ्जालमा लेख्दै भनेका छन्-"असंभ्व एजेण्डा बाेकेर आफ्नाे र युवाहरूकाे भविष्यमाथि खेलवाड गर्ने काम छाेड्नुस् । मैले त छाडेँ । हेरिराख्नु हाेला, केही वर्षपछि भाहरू पनि मेरै बाटाेमा आउनुपर्छ । राजसंस्थाकाे माया त मलाई अहिले पनि लाग्छ तर, के गर्नु ? उनकाे व्यवहार र साेचाइ नै गलत भयाे । त्यसैले गाली गलाैजमा समय खेर नफाल्नुस् ।"