अर्थतन्त्र

शेयर बजारमा हरियाली, २ अर्ब ५९ करोडमाथिकाे काराेबार

काठमाडाैं । शेयर बजारमा साताको कारोबारको दोस्रो दिन सोमबार दोहोरो अंकको वृद्धि भएको छ । आज नेप्से १७.९९ अंकले बढेर दुई हजार ६ सय ३४ दशमलब ५७ विन्दुमा रोकिएको नेप्सेले जनाएकाे छ । 

नेप्सेका अनुसार आज कारोबार रकममा पनि सामान्य वृद्धि भएको छ । आज २ अर्ब ५९ करोड २७ लाख बराबरको कारोबार भएको छ । आइतबार २ अर्ब २७ करोड ४६ लाख बराबरको कारोबार भएको छ ।  

आज कारोबार भएका १५६ वटा कम्पनीका लागानीकर्ताहरुले कमाएका छन् भने ३१ कम्पनीका लगानीकर्ताहरुले भने गुमाएका छन् । यसमध्ये आज एक कम्पनीको शेयरमूल्यमा सकारात्मक सर्किट लागेको । जुन इमर्जिङ नेपाल लिमिटेड रहेको छ । इमर्जिङ नेपालको शेयरमूल्य आज ९.९८ प्रतिशतले बढेर प्रतिकित्ता ५७१.७० रुपैयाँ पुगेको छ ।

नेपाल दूरसञ्चार कम्पनीको शेयरमूल्यमा सर्वाधिक गिरावट आएको छ । यस कम्पनीको शेयरमूल्य आज करिब ३ प्रतिशतले घटेको छ । कारोबारको आधारमा आज सबैभन्दा बढी नेपाल दूरसञ्चार कम्पनीकोे भएको छ । यस कम्पनीको आज १६ करोड २९ लाख भन्दा बढीको कारोबार नेप्सेले बताएकाे छ ।  

गाउँ सहर संवाददाता