विश्व

युक्रेनको राजधानी किभ नजिकै पुग्याे रूसी सेना, सुरक्षित क्षेत्रतर्फ बढिरहेका महिला र बालबालिकाको समूहमा रुसी सेनाले चलायाे गाेली

• गाउँ सहर संवाददाता
• २९ फाल्गुण आइतबार, २०७८ | ११:२०:०० मा प्रकाशित

काठमाडाैं । रुसी सेना युक्रेनको राजधानी किभ नजिकै पुगेको छ । उत्तर, पश्चिम र उत्तरपूर्वबाट रुसी सेना किभ नजिकै पुगेको हो ।

रुसी सेनाले किभ नजिकको गाउँ छाडेर सुरक्षित क्षेत्रतर्फ बढिरहेका महिला र बालबालिकाको समूहमा गोली चलाएको युक्रेनले जनाएको छ । शनिबार युक्रेनका विभिन्न शहरबाट करिब १३ हजार सर्वसाधारणलाई सुरक्षित क्षेत्रतर्फ पठाइएको युक्रेनका उपप्रधानमन्त्रीले जानाकारी दिएका छन् । यो संख्या शुक्रबारको तुलनामा दोब्बर भएको बताइएको छ ।

सर्वसाधरणलाई सुरक्षित स्थानमा लैजाने क्षेत्रमा रुसी सेनाले निरन्तर हमला गरिरहेको किभ र दोनेत्सेकका गर्भनरले बताएका छन् । यसैबीच युक्रेनका राष्ट्रपति भोलोदिमिर जेलेन्स्कीले द्वन्द्व अन्त्य गर्न वार्तामा रुसले ‘आधारभूत रुपमा भिन्न दृष्टिकोण’ अपनाएको बताएका छन् ।