विश्व

गोली हानी १० जनाको हत्या

 

एजेन्सी । गोली हानेर १० जनाको हत्या गरिएको छ । मेक्सिकोमा गोली हानेर १० जनाको हत्या गरिएको हाे । मेक्सिकोको एट्लिक्समा रहेको बस्तीको एक घरमा बुधबार गोली हानेर एकै घरका १० को ज्यान लिइएको प्रहरीले जनाएको छ ।

मध्य मेक्सिकोको एट्लिक्सकोमा भएको हत्याकाण्डको अनुसन्धान सुरु भएको प्रहरीले बताएकाे छ । उक्त सहरको एक निजी बस्तीमा भएको उक्त हत्याकाण्डमा तीन जना महिला रहेका छन् ।

पुएबला प्रान्तको न्यायाधिवक्ताको कार्यालयले घटनाको अनुसन्धान सुरु भएको र यसमा लागू औषधका कारोबारीहरुको हात रहेको अनुमान गरिएको जनाइएकाे छ । मारिएका नौ जनालाई नै टाउको, खुट्टा र छातीमा गोली हानिएको कार्यालयले जानकारी दिएको छ ।

हत्या गरिएको घरको वरपर यसअघि पनि लागू पदार्थको किनबेच गर्ने गरिएको थियो । त्यसैले यो हत्याकाण्ड पनि लागू पदार्थको किनबेचमा संलग्न समूहको झगडाका कारण हुनसक्ने अनुमान गरिएको प्रहरीकाे अनुमान छ ।

मारिएकाहरुको पहिचान हुन सकेको छैन । तीमध्ये कतिपय सोही घरका भए पनि सबैजना भने नभएको प्रहरीले अनुमान गरेकाे जनाएकाे छ । 

 

 

गाउँ सहर संवाददाता

तपाईँको मत