लुक्ला विमानस्थल नजिकै जङ्गलमा लागेको आगलागी, हेलिकप्टरबाट निभाउने प्रयास
- गाउँ सहर संवाददाता
- २३ फाल्गुण सोमबार, २०७८ | ०९:२७:०० मा प्रकाशित
सोलुखुम्बु । सोलुखुम्बुको तेन्जिङ हिल्लारी विमानस्थल लुक्ला नजिकैको वनमा भीषण आगलागी भइरहेको छ ।
लुक्ला नजिकैको नक्चुङ भन्ने स्थानको वनमा लागेको आगोको धुवाँका कारण आज बिहान करिब १ घण्टा विमानस्थल नै बन्द भएको नागरिक उड्डयन प्राधिकरण लुक्लाले जनाएको छ ।
प्राधिकरण प्रमुख द्वारिका अछामीका अनुसार विमानस्थल नजिकैको जङ्गलमा लागेको आगोको धुवाँले धावन मार्ग नै ढाकेपछि विमानस्थल नै बन्द गरिएको हो ।
अहिले हावाका कारण धुवाँ अन्यत्र 'ड्राइभड' भएकाले उडान भइरहेको उनको भनाइ छ ।
खुम्बु पासाङ ल्हामु गाउपालिका २ को नाक्चुङ स्थित जङ्गलबाट गएरातिदेखि सुरु भएको आगो फैलदो अवस्थामा रहेको छ ।
आगो कसले र किन लगाए भन्नेबारे अनुसन्धान भइरहेको बताइएको छ ।
आगोका कारण सल्ला, उत्तिस लगाएतका प्रजातिका बोटबिरुवाहरु धेरै मात्रामा नष्ट भइसकेको स्थानीयले बताएका छन् ।
निभाउन काठमाडौंबाट सिम्रिक एयरको हेलिकप्टर मगाइएकाे खुम्बु पासाङ ल्हामु गाउँपालिकाका उपाध्यक्ष टासि ल्हामु शेर्पाले जानकारी दिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
- ‘नेता कुटपिटमा हाम्राे कुनै संलग्नता छैन, झुठो आरोप लगाइयो’
- प्रतिनिधिसभा बैठक प्रत्यक्ष प्रसारण
- माओवादी उपाध्यक्ष कृष्णबहादुर महरा पक्राउ
प्रतिकृया दिनुहोस