गाउँ सहर

नेशनल लाइफ घण्टाघर शाखाको आयोजनामा अभिकर्ता बनभोज कार्यक्रम सम्पन्न

काठमाडाैं । राष्ट्रिय वाणिज्य बैंकको प्रत्यक्ष लगानी रहेको तथा निजी क्षेत्रको पहिलो जीवन बीमा कम्पनी नेशनल लाइफ इन्स्योरेन्स कम्पनी लिमिटेडको काठमाडौँ शाखाद्वारा फागुन २१ गते शनिबारका दिन शाखाका अभिकर्ता र कर्मचारीहरुको काभ्रेपलान्चोक स्थित धुलिखेलमा वनभोज कार्यक्रम सम्पन्न गरिएको छ ।

धुलिखेल स्थित देवीस्थान पिकनिक स्पटले आन्तरिक पर्यटनलाइ प्रबर्द्धन गर्ने क्रममा बिकशित हुँदै गइरहेको रहेछ । प्राकृतिक हरियाली जंगलको सुरम्यताले मानिसहरुलाइ यथेष्ट रिफ्रेश बनाउँदो रहेछ । वनभोज कार्यक्रम स्थलमा पिकनिकलाइ ब्यवस्थित रुपमा संचालन गर्ने स्पटहरुको ब्यवस्थिती लगायत त्यहाँ संचालनमा रहेका रिसोर्टहरुले पिकनिकलाइ थप ब्यवस्थित बनाइदिने रहेछन् । पिकनिकलाइ रोमान्चक बनाउनका लागि गुम्बा, लगायत थुप्रै पटमार्ग एवं कालिका देवी मन्दिरको निर्माण लगायतको कार्यहरु भइरहेका छन् । देविस्थान पिकनिक स्पटमा निर्माण गरिएको ब्यवसायिक पिंग लगायत घोडचढीको ब्यवस्थाले थुप्रै आन्तरिक पर्यटकलाइ लोभ्याउँदो वातावरण रहेकाे कम्पनीले जानकारी दिएकाे छ ।

मानवलाइ काम आराम र मनोरंजन सवैको जरुरी हुन्छ । निरन्तर  कामको थकानले गलित भएकाहरुका लागि देवीस्थान पिकनिक स्थल गतिलो बिकल्प हुन सक्ने सम्भावना छ । समयमा गोडमेल नगरेको बिरुवाले संतोषजनक रुपमा प्रतिफल दिन सक्दैन । बेला बेलामा आयोजना गरिने पिकनिक कार्यक्रमले अभिकर्ता तथा कर्मचारीहरुको कार्यदक्षता अभिबृद्धि हुनुका साथै कामको थकानबाट पुनर्ताजगी भइ थप कार्य सक्षमता प्राप्त हुने गर्दछ । ८० जना जति सहभागीता रहेको उक्त कार्यक्रममा सहभागीहरुको मनोरंजनार्थ आवश्यक नाचगान तथा बिंगो खेलको ब्यवस्था गरिएको थियो ।

गाउँ सहर संवाददाता

तपाईँको मत