गाउँ सहर

कांग्रेस नेता दिपेन्द्र क्षेत्रीद्वारा विभिन्न ठाउँमा सहयाेग

• गाउँ सहर संवाददाता
• २१ फाल्गुण शनिबार, २०७८ | ०६:१३:०० मा प्रकाशित

काठमाडौ । नेपाली कांग्रेसका युवा नेता तथा नेविसंघ स्याङ्जा काठमाडौ सम्पर्क समितिका सभापती दिपेन्द्र क्षेत्रीले मिर्गाैला पीडितलाई सहयाेग गरेका छन् । 

स्याङ्जा चापाकोट नगरपालिका–५ घर भई हाल भरतपुर महानगरपालिका –१५ अस्थायी रूपमा बसोबास गर्दै आएको ३१ वर्षका धन बहादुर रानाको पाचनग्रन्थिमा समस्या भएको र त्यससँगै २ ओटै मिर्गौलाले काम गर्न नसकेको अस्थामा रहेका बिरामीका लागी २५ हजार रुपैयाँ हस्तान्तरण गरेका छन् । 

त्यस्तै, पशुपति स्थित उमाकुण्ड आश्रम भजनमण्डलीलाई १० हजार प्रदान गरेका छन् । हस्तान्तरण कार्यक्रममा सभापती ई. दिपेन्द्र क्षेत्री, उप–सभापति हरू सन्देश खाँड, सरोज पौडेल , सचिव अमृत वोस्ती , सदस्य युवा नेता ज्ञानु न्यौपाने, कालिगण्डकी तरूण नेता शंकर न्यौपाने लगायतको उपस्थीती रहेको थियो ।

समितिका सभापति ई.दिपेन्द्र क्षेत्रीले यो अभियानमा आर्थिक सहयोग गर्नुहुने सम्पुर्णमा हार्दिक आभार प्रकट गर्दै सम्पूर्णको उज्जवल भविष्यको कामना गरे ।

नेविसंघ स्याङ्जा काठमाडौं सम्पर्क समितिको तर्फबाट विभिन्न व्यक्तिहरुसँग लिएको सहयोग रकमलाई व्लड क्यान्सर बिरामी स्याङ्जा जिल्ला चापाकोट नगरपालिका–०७, साखरका तरूण नेता राजु पोख्रेल टाईसनका पुजनीय बुबा दीर्घनारायण पोख्रेल लाई २५ हजार हस्तान्तरण गरेका छन् ।

क्षेत्रीले विभिन्न ठाउँमा गएर अप्ठेरामा परेकाका लागी आवश्यक सहयोग गर्दै आएका छन् ।

उनले कोरोनाको महामारी फैलिएका बेलामापनि गृह जिल्लाका स्वास्थ्य चौकीहरुमा सहयोग गरेका थिए भने जिल्लाका विभिन्न क्लबहरुमा खेलकुदका सामाग्रीहरु वितरण गरेका थिए ।