गाउँ सहर

छुट्टाछुट्टै सवारी दुर्घटनामा एक जनाकाे मृत्यु, तीन घाइते

• गाउँ सहर संवाददाता
• १८ फाल्गुण बुधबार, २०७८ | १०:४४:०० मा प्रकाशित

काठमाडाैं । सवारी दुर्घटनामा परी एक जनाको मृत्यु भएको छ । दाङका छुट्टाछुट्टै ठाउँमा भएका सवारी दुर्घटनामा परी एक जनाको मृत्यु भएको हाे ।   दुर्घटनामा तीन  जना घाइते भएका छन् । दाङको देउखुरीमा  कार र मोटरसाइकल एकआपसमा ठोकिँदा एक बालिकाको मृत्यु भएको छ । मृत्यु हुनेमा राप्ती गाउँपालिका ७ आनन्दपुर बस्ने मोटरसाइकलमा सवार सिमासर चौधरीको छोरी १० वर्षीया सन्ध्या चौधरी रहेको  प्रहरीले जनाएको छ । 

घाइते हुनेमा राप्ती ६ सगरापुर बस्ने ४५ वर्षीय जयराम चौधरी, मोटरसाइकलमा सवार सोही ठाउँ बस्ने ४० बर्षीया बेदकुमारी चौधरी र पैदलयात्री लमही ८ असनी बस्ने २८ बर्षीय पारस बोहोरा रहेको प्रहरीले  जानकारी दिएकाे छ । उनीहरुको स्थानीय अस्पतालमा उपचार भइरहेको छ ।

गोबरडियाबाट सिसहनियातर्फ जाँदै गरेको लु २ च ७६८२ नम्वरको कार र विपरीत दिशाबाट आउँदै गरेको रा ४ प ३४६१ नम्वरको मोटरसाईकल  गढवा २ महादेवा पुल नजिकै ठोकिँदा दुर्घटना भएको प्रहरीले बताएकाे छ ।