राजनीति

व्याख्यात्मक घोषणासहित एमसीसीलाई आजै अनुमोदन गर्ने सत्ता गठबन्धनको निर्णय

• गाउँ सहर संवाददाता
• १५ फाल्गुण आइतबार, २०७८ | ११:४१:०० मा प्रकाशित

काठमाडौं । सत्ता गठबन्धनमा आबद्ध पाँच दलका शीर्ष नेताहरूको बैठकले एमसीसी सम्झौता संसद्बाट अनुमोदन गराउने निर्णय गरेको छ ।

आज प्रधानमन्त्रीको सरकारी निवास बालुवाटारमा बसेको बैठकले एमसीसी सम्झौता व्याख्यात्मक टिप्पणीसहित अनुमोदन गर्ने निर्णय गरेको नेपाली कांग्रेसका वरिष्ठ नेता रामचन्द्र पौडेलले जानकारी दिए ।

बैठकमा नेकपा एकीकृत समाजवादीका अध्यक्ष माधव कुमार नेपालले पार्टीबाट निर्णय गर्न बाँकी रहेको भन्दै समय मागेका थिए । तर पर्खिने समय नभएकाले एमसीसीलाई व्याख्यात्मक घोषणासहित अनुमोदन गर्ने निर्णय गरेको नेता पौडेलले बताए ।

एमसीसी संसद्मा टेबल भइसकेको छ । प्रतिनिधिसभाको बैठक आज दिउँसो १ बजे बस्दै छ ।