विश्व

रूस-यूक्रेन तनावः अमेरिकाले भन्यो- पुटिनको जिद्दीले अब युद्धको खतरा, बेलायतले ५ रुसी बैंकमा लगायाे प्रतिबन्ध

• गाउँ सहर संवाददाता
• १० फाल्गुण मंगलबार, २०७८ | २०:०१:०० मा प्रकाशित

काठमाडाैँ । रुसले युक्रेनमा अहिलेसम्म आक्रमण गरेको छैन, तर आफ्ना दुई प्रान्त (लुहान्स्क-डोनेस्क) लाई छुट्टै राज्यको स्थिति घोषणा गरेको छ । रुसी राष्ट्रपति भ्लादिमिर पुटिनले पनि यी दुई राज्यमा शान्ति कायम राख्न सेना पठाएका छन् । न्युयोर्क टाइम्सका अनुसार अमेरिकाले रुसको यो कदमलाई अन्तर्राष्ट्रिय कानुनविरुद्ध चुनौती भनेको छ । अमेरिकाले भन्यो–अब युद्धको खतरा उत्पन्न भएको छ ।

बेलायत पनि अमेरिकाजस्तै कडा देखियो । उनले भने- पुटिनले मूल्य चुकाउनु पर्छ । हामी तिनीहरूको कम्पनी र व्यक्तिहरूलाई प्रतिबन्ध लगाउनेछौं । यस बयानको केही मिनेट पछि, बेलायतले पाँच रूसी बैंकहरूमा प्रतिबन्ध लगाएको छ । यसबारेमा अझै धेरै जानकारी आएको छैन । योसँगै पुटिनले पश्चिमा देशको कारबाहीले युक्रेनलाई दुई भागमा विभाजन गर्न बाध्य बनाएको बताएका छन् ।

रुसको उत्तेजक निर्णयलाई लिएर युक्रेनका राष्ट्रपति भोलोडिमिर जेलेन्स्कीले भने– हामी रुसको कदमसँग डराउँदैनौं । हामीले न कसैबाट केही लिएका छौं न कसैलाई दिनेछौं । धम्कीका बाबजुद पनि हाम्रा अन्तर्राष्ट्रिय सिमानाहरू पहिलेको जस्तै रहनेछन् । युक्रेनी दुई प्रान्तलाई स्वतन्त्र घोषणा गर्ने पुटिनको कदमपछि संयुक्त राष्ट्र सुरक्षा परिषद्को आपतकालीन बैठक बोलाइएको छ । एजेन्सीकाे सहयाेगमा