गाउँ सहर

१२ वर्षीया बालिकालाई जबरजस्ती करणी गरेको अभियोगमा दाेलखाका १९ वर्षीय गुरूङ ललितपुरबाट पक्राउ

काठमाडाैं । प्रहरीले १२ वर्षीया बालिकालाई जबरजस्ती करणी गरेको अभियोगमा एक जनालाइ पक्राउ गरेकाे छ । ललितपुर जिल्लामा १२ वर्षीया बालिकालाई जबरजस्ती करणी गरेको अभियोगमा प्रहरीले पक्राउ गरेकाे हाे । दोलखा मैलुङ गाउँपालिका-४ घर भई ललितपुर बस्ने १९ वर्षीय अमिर गुरुङलाई सोमबार दिउँसो प्रहरीले पक्राउ गरेको जानकारी दिएकाे छ । 

अमिरले बालिकालाई महालक्ष्मी नगरपालिका-४ ईमाडोलमा गत माघ २२ गते दिउँसो जबरजस्ती करणी गरेको भन्ने खबर प्राप्त हुनासाथ महानगरीय प्रहरी वृत्त सातदोबाटोबाट खटिएको प्रहरीले उनलाई पक्राउ गरेको थियो ।

घटनाका सम्बन्धमा प्रहरीले थप अनुसन्धान गरिरहेकाे बताएकाे छ ।  

गाउँ सहर संवाददाता

तपाईँको मत