राजनीति

एकीकृत समाजवादीको निर्णय : एमसीसीको विपक्षमा मतदान

फाइल तस्बिर

काठमाडौं । सत्तासाझेदार दल नेकपा (एकीकृत समाजवादी)ले संसद्मा टेबल भएको अमेरिकी सहयोग परियोजना (एमसीसी) सम्झौताको विपक्षमा उभिने निर्णय गरेको छ ।

आज बसेको पार्टी सचिवालय बैठकले एमसीसीको विपक्षमा मतदान गर्ने र त्यसको वातावरण बनाउने निर्णय गरेको प्रवक्ता जगन्नाथ खतिवडाले जानकारी दिए ।

“संसद्मा टेबल भएको एमसीसीको विपक्षमा मतदान गर्ने निर्णय गरेका छौँ । एमसिसीमा हाम्रो अडान यथावत् छ। हिजो सरकारले संसदमा पेश गरेको एमसिसीको विपक्षमा मतदान गर्ने र वातावरण तय गर्न पहल गर्ने निर्णय गरेका छौँ’ उनले भने । 

एमसिसी पास गर्ने शर्तमा सरकारमा नगएको उनले प्रष्ट पारे। 

प्रवक्ता खतिवडाले भने, ‘सरकारभन्दा देश ठुलो हो। हामी राष्ट्रियताको पक्षमा उभिन्छौँ। सरकारमा बस्ने र बाहिर जाने कुरा परिस्थितीले तय गर्छ।’ 

उनका अनुसार सचिवालय बैठक भोलि पनि बस्नेछ ।

गाउँ सहर संवाददाता

तपाईँको मत