स्वास्थ्य

नेपालमा पछिल्लो २४ घण्टामा ३८८ जना काेराेना संक्रमित थपिए, १२०५ जना कोरोनामुक्त

काठमाडाैं । नेपालमा पछिल्लो २४ घण्टामा  ३८८ जना नयाँ संक्रमित थपिएका छन् । वितेकाे २४ घण्टामा आरटी पीसीआर परिक्षण गर्दा २४७ जना र एन्टिजन परिक्षण गर्दा १४१ जना गरि जम्मा ३८८ जना नयाँ संक्रमित थपिएकाे स्वास्थ्य तथा जनसंख्या मन्त्रालयले जानकारी दिएकाे छ । 

मन्त्रालयका अनुसार पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा १२०५ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९७.६ प्रतिशत रहेको छ । पछिल्लो २४ घण्टामा मृतकको संख्या चार रहेको छ । यस्तै हालसम्म कोरोनाबाट मृत्यु हुनेको संख्या ११ हजार ९२५ रहेको छ । 

गत २४ घण्टामा ८ हजार १४० जनाले कोरोना परिक्षण गरेका थिए भने आठ लाख ७३ हजार ४३८ जनाले खोप लगाएका थिए । हाल सक्रिय संक्रमितको संख्या ११ हजार २ सय ८२ जना रहकाे मन्त्रालयले बताएकाे छ ।    

गाउँ सहर संवाददाता