गाउँ सहर

रेड पाण्डाको दुई थान छालासहित एक युवक प्रहरी नियन्त्रणमा

• गाउँ सहर संवाददाता
• ९ फाल्गुण सोमबार, २०७८ | १३:३८:०० मा प्रकाशित

काठमाडाैं । प्रहरीले दुईवटा रेड पाण्डाको छालासहित एक जना युवकलाई पक्राउ गरेको छ । काठमाडौं महानगरपालिका–२६ स्थित नयाँ बसपार्कबाट प्रहरीले दुईवटा रेड पाण्डाको छालासहित एक जना युवकलाई पक्राउ गरेको हाे । महानगरीय प्रहरी वृत्त सातदोबाटोबाट खटिएको टोलीले रुकुम पश्चिमको बाँफिकोट गाउँपालिका घर भएका २६ वर्षीय नवराज केसीलाई पक्राउ गरेको जानकारी दिएकाे छ । 

ललितपुरको एकान्तकुनाबाट पछ्याएर आरोपीलाई नयाँ बसपार्कको होटलबाट पक्राउ गरिएको महानगरीय प्रहरी परिसर ललितपुरले जनाएकाे छ ।  प्रहरीले उनको साथबाट दुईवटा रेड पाण्डाको छाला बरामद गरेकाे छ । 

महानगरीय प्रहरी वृत्त सातदोबाटोमा केही दिनअघि मात्र डिएसपी मदन केसीले कमाण्ड सम्हालेका थिए ।

रेड पाण्डासहित पक्राउ परेका युवकलाई कानुनी कारवाहीका लागी डिभिजन वन कार्यालय हात्तीसारमा पठाइएको प्रहरीले बताएकाे छ ।