गाउँ सहर

नक्कली नेपाली नाेटसहित चार जना पक्राउ

काठमाडाैं । प्रहरीले  नक्कली नेपाली नोट सहित चार जनालाई पक्राउ गरेकाे छ । काठमाडौं महानगरपालिका–१६ नयाँ बजार मेडिकल चोक एरियाबाट १ हजार दरका २ सय ९४ थान नक्कली नेपाली नोट सहित चार जनालाई बुधबार दिउँसो प्रहरीले पक्राउ गरेको हाे ।

पक्राउ पर्नेहरुमा काठमाडौं नयाँ बजार बस्ने रौतहट गौर नगरपालिका१२ घर भएका २८ वर्षीय पृथ्वी प्रसाद साह, रौतहट राजपुर नगरपालिका–३ घर भएका २७ वर्षीय मोहम्मद मुसरफ अली, रौतहट राजपुर नगरपालिका–६ घर भएका ३० वर्षीय असरफ अली सहिद र रौतहट गौर नगरपालिका–९ घर भएका २८ वर्षीय महमद शम्साद आलम रहेका छन् ।

उक्त स्थानमा नक्कली नोटको अवैध कारोबार भइरहेको भन्ने सूचनाको आधारमा महानगरीय अपराध महाशाखाबाट खटिएको प्रहरीले उक्त परिमाणको नक्कली नेपाली नोट सहित फेला पारी उनीहरुलाई पक्राउ गरेको  जानकारी दिएकाे छ ।

यस सम्बन्धमा थप अनुसन्धान भइरहेको महाशाखाले बताएकाे छ । 

गाउँ सहर संवाददाता

तपाईँको मत