राजनीति

बानेश्वरस्थित संसद् भवनमा काँग्रेस संसदीय दलकाे बैठक सुरु

• गाउँ सहर संवाददाता
• ३ फाल्गुण मंगलबार, २०७८ | १०:५७:०० मा प्रकाशित

काठमाडाैं । नेपाली कांग्रेसको संसदीय दलको बैठक सुरु भएको छ । संघीय संसद् भवनको ल्होत्से हलमा बैठक सुरु भएको हो ।

एमसीसी र प्रधानन्यायाधीश विरुद्धको महाअभियोगबारे छलफल गर्न नयाँ बानेश्वरस्थित संसद् भवनको ल्होत्से हलमा दलकाे बैठक सुरु भएको हो ।  भोलिको संसद बैठकमा एमसीसी टेबल गर्ने सरकारकाे तयारीका बीच काँग्रेसले संसदीय दलकाे बैठकमा छलफल थालेकाे छ ।

मंगलबारकाे बैठकमा प्रधानन्यायाधीश चोलेन्द्र शमशेर जबराविरुद्ध गत आइतबार दर्ता भएको महाभियोगको प्रस्तावबारे समीक्षा र आगामी रणनीतिमा छलफल भइरहेकाे छ ।

यसका साथै बैठकमा पछिल्ला राजनीतिक घटनाबारे छलफल हुने दलकी सचेतक पुष्पा भुषालले जानकारी दिएकी छन् । 

गत आइतबार नेपाली कांग्रेस, नेकपा माओवादी केन्द्र र एकीकृत समाजवादीका सांसदले जबराविरुद्ध महाभियोग प्रस्ताव दर्ता गराएका थिए ।