कला

साहित्यकार गोविन्द नेपाल (जी नेपाल) को ‘मुक्तक मन्थन’ लोकार्पण

• गाउँ सहर संवाददाता
• २४ माघ सोमबार, २०७८ | १६:१९:०० मा प्रकाशित

काठमाडौँ । साहित्यकार गोविन्द नेपाल (जी नेपाल) को ‘मुक्तक मन्थन’ कृति आइतबार लोकार्पण गरिएकाे छ ।

लोकार्पण कार्यक्रममा साहित्यकार मधुसूदन पाण्डेय, विनोद दाहाल वत्स, नारायण नेपाल, बाल साहित्यकार माधव नेपाललगायत साहित्यकारहरूको उपस्थितिमा सम्पन्न कार्यक्रममा उनका आफन्तलगायत साहित्यकारको उपस्थिति थियो ।

कार्यक्रममा लेखक तथा साहित्यकार मधुसूदन पाण्डेयले मुक्तककार नेपालको यस कृतिको प्रशंसा गर्दै उनलाई शुभकामना दिएका थिए । यसैगरी अर्का अथिति साहित्यकार तथा पत्रकार विनोद दाहाल वत्सले मुक्तकका सैद्धान्तिक कुराहरू बताउँदै मुक्तककार नेपालको कृतिको सफललताको कामना गरे ।

कार्यक्रममा साहित्यकार नारायण नेपालले मुक्तककारको मुक्तकशिल्पको चर्चा गर्दै उनलाई आगामी दिनमा यस्ता मुक्तक सिर्जना गर्न प्रेरणा प्राप्त भइरहोस् भन्ने कामना व्यक्त गरे । मुक्तककार गोविन्द नेपालले आफूले यस कृतिको सिर्जना गर्दाका अनुभवहरू बताएका थिए भने उक्त कार्यक्रममा उनका केही मुक्तकहरू वाचन गरिएका थिए ।

उक्त पुस्तक लोकार्पण कार्यक्रममा इन्जिनियर नरहरि नेपाल, सुनिता गौतम, लक्ष्मी नेपाल अधिकारी, शुषमा कुइँकेल, प्रमिला भट्टराई, प्रतिमा भट्टराई, अपरा नेपाल खतिवडा, बालकथाकार अस्मिना नेपाल लगायतको उपस्थिति रहेको थियो ।