राजनीति

बालुवाटारमा प्रधानमन्त्री देउवा र प्रचण्डबीच भेटवार्ता

• गाउँ सहर संवाददाता
• १९ माघ बुधबार, २०७८ | १३:२५:०० मा प्रकाशित

काठमाडाैं । प्रधानमन्त्री देउवा र नेकपा माओवादी केन्द्रका अध्यक्ष पुष्पकमल दाहालबीच भेटवार्ता भएको छ । प्रधानमन्त्रीको सरकारी निवास बालुवाटारमा देउवा र प्रचण्डबीच भेटवार्ता भइरहेको प्रधानमन्त्रीको सचिवालयले जनाएकाे छ । 

सचिवालयका अनुसार उनीहरुबीच स्थानीय तहको निर्वाचन, एमसीसी लगायतका विषयमा छलफल भइरहेको छ । निर्वाचन आयोगले जेठ ४ गते स्थानीय तहको निर्वाचन गर्न सिफारिस गरेको छ ।

भेटवार्तामा गृहमन्त्री बालकृष्ण खाण र सञ्चार मन्त्री ज्ञानेन्द्रबहादुर कार्की पनि सहभागी छन् ।

स्थानीय तह चुनाव, एमसिसीलगायत विषयमा छलफल भएको स्रोतको बताएकाे छ ।

आयोगको सिफारिस अनुसार निर्वाचनको मिति तोक्ने प्रधानमन्त्रीको तयारी छ । अब बस्ने मन्त्रिपरिषद बैठकबाट निर्वाचनको मिति घोषणा गरिने छ । एमसीसीका विषयमा नेताहरू निकास खोज्न लागि परिरहेका छन् ।