राजनीति

कुनै पनि हालतमा निर्वाचन पर नधकेल्न बारकाे चेतावनी

काठमाडाैं ।  नेपाल बार एसोसिएसनले कुनै पनि हालतमा निर्वाचन पर नधकेल्न चेतावनी दिएको छ ।

बारका महासचिव लीलामणि पौडेलले आइतबार विज्ञप्ति जारी गर्दै कुनै पनि बहानामा चुनाव पर नधकेल्न  चेतावनी दिएका हुन् ।

संविधान र प्रचलित निर्वाचन कानुनका आधारमा तीनै तहको चुनाव हुनुपर्ने बारको निश्कर्ष छ ।

‘कुनैपनि बहानामा निर्वाचन नगरी वा पर सारी स्थानीय तहलाई रिक्त बनाउने कुरा संविधान र कानून विपरित मात्र नभई लोकतन्त्र र विधिको शासनको समेत उपहास हुन जान्छ’, पौडेलद्वारा जारी विज्ञप्तिमा भनिएको छ ।

विधिको शासन, मानव अधिकार, स्वतन्त्र, सक्षम, निष्पक्ष न्यायपालिका, लोकतन्त्र, संवैधानिक सर्वोच्चता, पारदर्शी र जवाफदेही सरकार, बालिग मताधिकार, प्रेस स्वतन्त्रता, शक्ति पृथकीकरण, नियन्त्रण र सन्तुलन तथा कानून व्यवसायीको हक, हितको सम्बर्द्धन र प्रवद्र्धनको पक्षमा एसोसिएसन रहेको पनि विज्ञप्तिमा उल्लेख छ ।

गाउँ सहर संवाददाता

तपाईँको मत