गाउँ सहर

खल्तीकाे ५ औं बार्षिकोत्सब सम्पन्न

काठमाडाैं । अनलाइन भुक्तानी सेवा प्रदायक ‘’खल्ती’’ले आज आफ्नो ५ औं बार्षिकोत्सब मनाएको छ । २०१७ मा आफ्नो यात्रा सुरुवात गरेको नेपालको प्रचलित अनलाइन भुक्तानी सेवा प्रदायक ‘’खल्ती’’ले आज आफ्नो ५ औं बार्षिकोत्सब सम्पन्न गरेकाे हाे । हरेक नेपाली घर परिवारको दैनिक भुक्तानीहरू डिजिटाइज गर्ने लक्ष्य लिएर अघि बढिरहेको खल्तीले दैनिक लाखौँ मानिसहरुको जीवन सहज गर्दै आएको छ । 

कुनै पनि स्टार्टअप कम्पनीले पाँच बर्ष पुरा गर्नु भनेको जनमानसमा आफ्नो पकड जमाउन र प्रभाव पार्न सफल हुनु हो । ’खल्ती’ ले पनि आफ्नो ५ बर्षे लामो यात्रामा यसलाई सत्य सावित गरेको छ । तर लामो दुरी तय गर्ने हिसाबले हेर्दा ’खल्ती’, ‘मात्र ५ बर्षको’ भएको हो । यसले ल्याउन सक्ने प्रभावले आउँदो डिजिटल नेपालको भविष्यको बाटो कोर्ने सम्भावना बोकेको खल्तीले जनाएकाे छ । 

युवाहरु माझ बढी प्रचलित ‘’खल्ती’’, नेपाली फिनटेक उद्योगमा एक फरक एवम् नविन पहिचान बोकेको ब्रान्ड हो । युवाहरुले नै भरिएको मार्केटिंग टिम भएको ’खल्ती’ को जानकारी प्रवाह गर्ने माध्यम पनि साधारणतया हुने मार्केटिंग भन्दा भिन्न रहेकाे खल्तीले जानकारी दिएकाे छ । आफ्नो बार्षिकोत्सबमा रमाइलो भिडियो सार्वजनिक गरि यसलाई फेरी पनि सावित गर्न सफल भएको खल्तीले बताएकाे छ ।

साथै आफ्नो जन्मदिन भन्दा एक दिन अगाडी ट्विटरमा जन्मदिनको रिमाइन्डर राखी ट्विटरमा हलचल ल्याउन सफल भएकाे खल्तीले जनाएकाे छ । 

साे ट्विटरमा अरू ब्राणड जस्तै फुडमान्डु पनि रमाइलाे ट्विटरका साथ हाजिर भएकाे खल्तीले जानकारी दिएकाे छ । 

गाउँ सहर संवाददाता