खेल

आहा रारा गोल्डकपमा एपीएफको विजयी सुरुआत

पोखरा । आहा ! रारा गोल्डकप अन्तर्राष्ट्रिय आमन्त्रण फुटबल प्रतियोगिताको २०औं संस्करण बिहीबारदेखि शुरु भएको छ ।

पोखरा रंगशालामा शुरु भएको प्रतियोगिताको उद्घाटन खेलमा विभागीय टोली एपिएफ फुटबल क्लबले विजयी शुरुवात गरेकाे छ । विजयी शुरुवात गर्ने क्रममा एपिएफले घरेलु टोली आयोजक सहारा क्लबलाई शून्यका विरुद्ध २ गोलले हरायो ।

एपिएफका लागि पहिलो हाफको १९औं मिनटमा आवाश लामिछानेले पहिलो गोल गरे भने ७७औं मिनटमा प्रदिप लामाले दोस्रो गोल गरेका थिए ।

खेलमा एपिएफका नविन लामा म्यान अफ द म्याच घोषित भए । त्यसवापत उनले नगद ८ हजारसहित ट्रफी हात पारे । यो जितसँगै एपिएफ प्रतियोगिताको क्वाटरफाइनलमा समेत प्रवेश गरेको छ ।

प्रतियोगिता अन्तरगत माघ ७ गते शुक्रबारको खेल हिमालयन शेर्पा क्लब र अर्को विभागीय टोली नेपाल पुलिस क्लबबीच हुने आयोजकले जनाएको छ ।

सहारा क्लब, पोखराको आयोजनामा शुरु प्रतियोगिताको विजेताले उपाधिसहित नगद १० लाख १ हजार हात पार्नेछ भने उपविजेताले ५ लाख १ हजार प्राप्त गर्नेछ । फाइनल खेल माघ १५ गतेका दिन हुनेछ ।

गाउँ सहर संवाददाता

तपाईँको मत