अर्थतन्त्र

नेप्सेमा दाेहाेराे अंककाे गिरावट, ८ अर्ब ३ करोड ३२ लाख बराबरको कारोबार

• गाउँ सहर संवाददाता
• २८ पौष बुधबार, २०७८ | १५:३६:०० मा प्रकाशित

काठमाडाैं । नेप्से साताको कारोबारकाे चौथो दिन बुधबार दोहोरो अंकले घटेको छ । आज नेप्से ३०.५१ अंकले घटेर दुई हजार ८ सय ३ दशमलब ६२ विन्दुमा पुगेको हो । त्यस्तै, आज कारोबार रकममा भने वृद्धि भएको छ । आज ८ अर्ब ३ करोड ३२ लाख बराबरको कारोबार भएको नेप्सेले जनाएकाे छ ।  

नेप्सेका अनुसार आज चार कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा कर्पोरेट विकास बैंक, नेपाल इन्फाइन्ट्रक्चर बैंक, नारायणी डेभलपमेन्ट बैंक र मध्यभोटेकोशी जलविद्युत कम्पनी  रहेका छन् । यी कम्पनीको शेयरमूल्य आज सर्किट लेभलमा बढेका छन् । 

आज हिमालय उर्जा विकास कम्पनीको शेयरमूल्यमा सर्वाधिक गिरावट आएको छ । यस कम्पनीको शेयरमूल्य ६ प्रतिशत भन्दा बढीले घटेको छ । आज कारोबारको आधारमा  सबैभन्दा बढी कारोबार नेपाल बङ्गलादेश बैंकको भएको छ । आज यस कम्पनीको  २८ करोड ६९ लाख भन्दा बढीको कारोबार भएको  नेप्छसेले बताएकाे छ ।