स्वास्थ्य

१३ हजार परीक्षणमा ९४४ जनामा कोरोना पुष्टि, काठमाडौं उपत्यकामा ४८१ जना थपिए

• गाउँ सहर संवाददाता
• २४ पौष शनिबार, २०७८ | १६:२६:०० मा प्रकाशित

काठमाडाैं । नेपालमा पछिल्लो २४ घण्टामा थप ९४४ जनामा कोरोना संक्रमण पुष्टि भएको छ ।

स्वास्थ्य मन्त्रालयका अनुसार पछिल्लो २४ घण्टामा कोरोनाबाट ज्यान गुमाउनेको संख्या शून्य छ । हालसम्म देशभर ११ हजार ६०२ जनाको कोरोना संक्रमणबाट मृत्यु भएको छ ।

शनिबार २९७ जना कोरोना संक्रमणमुक्त भएका छन् भने हाल देशभर ६ हजार १४० सक्रिय संक्रमित रहेका छन् ।

गत २४ घन्टामा ९ हजार ७६२ पीसीआर तथा ३ हजार ५०२ एन्टिजेन परीक्षण भएको छ ।

काठमाडौं उपत्यकामा थप ४८१ जनालाई कोरोना

पछिल्लो २४ घण्टामा काठमाडौं उपत्यकामा थप ४८१ जनामा कोरोना भाइरसको संक्रमण पुष्टि भएको छ ।

स्वास्थ्य मन्त्रालयका अनुसार काठमाडौंमा ३६२, भक्तपुरमा २५ र ललितपुरमा ९४ जना संक्रमित थपिएका हुन् ।