अर्थतन्त्र

शेयरबजारमा सुधारकाे संकेत, २ दिनमा ९२ अंकले बढ्याे

काठमाडौं । साताको दोस्रो दिन साेमबार पनि नेप्से वृद्धिले शेयर कारोबार मापक नेप्से परिसूचक २६ सय अंक माथि पुगेको छ । 

यसदिन सूचक ३२.०३ अंकले बढेर परिसूचक २६१६.९४ बिन्दुमा पुगेकाे छ ।

२३० कम्पनीको ८२ लाख ५ हजार ५२ कित्ता सेयर ४ अर्ब ५३ करोड ३० लाख १७ हजार १७८ रुपैयाँको सेयर किनबेच भएको छ ।

पछिल्लो २ दिनमा मात्रै नेप्से ९२ अंकले बढेको छ । यसदिन लघुवित्तको सूचक सर्वाधिक २.८८ प्रतिशत बढ्दा फाइनान्स पनि २.०५ प्रतिशतले बढेको छ । यसदिन बैंकिङ्ग, विकास बैंक र म्युचुअल फण्डको सूचक पनि १ प्रतिशत बढीले वृद्धि भएको छ ।

कारोबारमा अधिकांश समूहको उपसूचकमा सुधार आएको छ ।

दिनभर ८२ लाख ५ हजार ५२ कित्ता शेयर किनबेच हुँदा कारोबार रकम ४ अर्ब ५३ करोड ३० लाख १७ हजार १७८ रुपैयाँ पुग्यो । सोमबार धेरे शेयर मूल्य बढ्ने कम्पनीहरूमा मध्य भोटेकोशी हाइड्रोपावर, गुराँस लघुवित्त, साल्ट ट्रेडिङ कर्पोरेशन, एनआई एशिया लघुवित्त, फ्रस्ट माइक्रोफाइनान्सलगायत शेयर मूल्य बढेको छ । भोटेकोशी हाइड्रोपावर र गुराँस लघुवित्तको शेयर मूल्य सोमबार १० प्रतिशतले बढेको छ ।

रुरु जलविद्युतको सेयरमूल्य सर्वाधिक २.५९प्रतिशतले घटेको बजारमा नेपाल बंगलादेश बैंक २.४५, कालीका पावर २.३२, लुम्बिनी जनरल २.१२ र युनाइटेड इन्स्योरेन्सको सेयरमूल्य पनि २ प्रतिशत भन्दा बढीले घटेको छ ।

बजारमा आएको सुधारले लगानीकर्ता पनि आकर्षित देखिन थालेका छन् । नेप्से सूचकका साथै कारोबारमा आएको सुधारका कारण लामो समयपछि लगानीकर्ता बजारप्रति आकर्षित पनि बनिरहेका छन् ।

कारोबार रकमका आधारमा सोमबार पनि हिमालयन डिष्टिलरीको सबैभन्दा अब्बल साबित बनेको छ । कम्पनीको सबैभन्दा धेरै २८.४४ करोडको सेयर कारोबार भएको छ ।

गाउँ सहर संवाददाता

तपाईँको मत