स्वास्थ्य

काेराेना अपडेट : ७६३१ जनाको परीक्षण गर्दा २१६ जनामा संक्रमण पुष्टि, थप दुईको मृत्यु

• गाउँ सहर संवाददाता
• १८ पौष आइतबार, २०७८ | १६:२४:०० मा प्रकाशित

काठमाडाैं । पछिल्लो २४ घण्टामा नेपालमा थप २१६ जनामा कोरोना संक्रमण पुष्टि भएको छ । 

आइतबार स्वास्थ्य तथा जनसंख्या मन्त्रालयले दिएको जानकारी अनुसार सात हजार ६३१ जनाको नमूना परीक्षण गर्दा उक्त संख्यामा संक्रमित पुष्टि भएको हो । 

 

 

 

 

 

 

उक्त अवधिमा पाँच हजार ९६२ जनाको पीसीआर परीक्षण गरिएकोमा २१३ जनाको रिपोर्ट 'पोजिटिभ' आएको थियो । यस्तै एन्टिजेन विधिमार्फत् एक हजार ६६९ जनाको परीक्षण गर्दा तीन जनामा संक्रमण पुष्टि भएको मन्त्रालयले जनाएको छ ।

 

मन्त्रालयका अनुसार उक्त अवधिमा २०९ जना संक्रमणमुक्त भएका छन्। हाल मुलुकभर सक्रिय संक्रमितको संख्या चार हजार ९७१ रहेको छ । 

मन्त्रालयका अनुसार पछिल्लो २४ घण्टामा कोरोना संक्रमणका कारण दुई जनाको मृत्यु भएको छ ।