वातावरण

दीपशिखा सामुदायिक पुस्तकालयमा नयाँ नेतृत्व

लेखनाथ । दीपशिखा सामुदायिक पुस्तकालय पोखरा –२९. को १४ औं वार्षिक साधारण सभा तथा सातौं अधिवेशनले आगामी कार्यकालका लागि कृष्णहरि भण्डारीको अध्यक्षतामा नयाँ कार्यसमिति चयन गरेको छ ।

सर्वसम्मत रुपमा चयन भएको समितिको उपाध्यक्षमा निर्मला पौडेल, सचिवमा पदम प्रसाद अधिकारी, सह सचिवमा संकर प्रसाद पौडेल र कोषाध्यक्षमा माधव भण्डारी रहको छन् ।

समितिको सदस्यहरुमा कमला भण्डारी, सुवेदार चन्द्र बहादुर गुरुङ, विश्वराज पौडेल, बुद्धिमाया थापा मगर, मिन कुमारी डल्लाकोटी र मञ्जु विक रहेका छन् ।

यसअघि कार्यक्रमको उद्घाटन गर्दै पोखरा महानगरपालिका वडा नं २९ का वडाअध्यक्ष चेतवहादुर गुरुङले पुस्तकालयलाई समय सुहाउँदो प्रविधि मैत्री बनाउनका लागि आधुनिक प्रणालीबाट इ-लाईवेरीका रुपमा विकास गराउँदै दिपशिखा पुस्तकालयलाई महानगर कै सुचना केन्द्रका रुपमा विकास गराउन सकिनेमा जोड दिए ।

लेखनाथ नगरपालिका सस्थापक नगर प्रमुख शालिकग्राम पौडेलले पुस्तकालयमा पुस्तक छन् तर पाठक नहुँदा पछाडि परेको प्रसंग उठाउँदै समयको माग अनुसार सूचना र प्रविधिलाई सहज बनाउनुपर्ने सुझाव राखेका थिए ।

कार्यक्रममा सस्थापक अध्यक्ष ईश्वरबहादुर हमाल, सदस्य दिपकमणि भण्डारी र पाठकहरुको तर्फबाट राधव वस्नेत सवै पाठकलाई समेटने गरी पुस्तकहरुको ब्यवस्था गर्न सके ज्ञान र सिपको विकास हुने धारणा राखे ।

सस्थाका अध्यक्ष कृष्णहरि भण्डारीको अध्यक्षतामा भएको कार्यक्रममा स्वागत मन्तव्य कार्यक्रम संयोजक दिपकमणि भण्डारी र कार्यक्रम संचालन सचिव पदमप्रसाद पौडेलले गरेका थिए ।

गाउँ सहर संवाददाता

तपाईँको मत