स्वास्थ्य

शुक्रबार थपिए २६० जना कोरोना सङ्क्रमित, ३४९ जना कोरोनामुक्त

• गाउँ सहर संवाददाता
• ९ पौष शुक्रबार, २०७८ | १५:१७:०० मा प्रकाशित

काठमाडौं । पछिल्लो २४ घण्टामा देशभर २६० जना कोभिड संक्रमित थपिएका छन् । ११ हजार ८९८ वटा नमूना परीक्षण गर्दा २६० जनामा संक्रकमण पुष्टि भएको हो ।

संक्रमणका कारण पछिल्लो २४ घण्टामा एकजनाको मृत्यु भएको छ । नेपालमा कोभिड संक्रमणका कारण मृत्यु हुनेको संख्या ११ हजार ५८२ पुगेको छ । 

आज ३४९ जना संक्रमणमुक्त भएका छन् । नेपालमा कोभिड १९ का सक्रिय संक्रमितको संख्या ५ हजार ४८ पुगेको स्वास्थ्य तथा जनसंख्या मन्त्रालयले जनाएको छ । 

काठमाडौंमा चौबीस घण्टामा १५१ संक्रमित थपिए

२४ घण्टामा काठमाडौं उपत्यकामा १५१ जना कोभिड संक्रमित थपिएका छन् । आज काठमाडौंमा १०६, भक्तपुरमा १० र ललितपुरमा ३५ जना संक्रमित थपिएका हुन् । 

काठमाडौं उपत्यकाका तीन जिल्लामा सक्रिय संक्रमितको संख्या १ हजार ६०२ पुगेको छ । आज देशभर ४ हजार ८१७ जना होम आइसोलेसनमा र २३१ जना संस्थागत आइसोलेसनमा रहेका छन् ।

अस्पतालमा उपचाररतमध्ये ७७ जना आईसीयू तथा २१ जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।