दिगोविकास

गण्डकी प्रदेशकाे विकासको नेतृत्व माओवादी केन्द्रले गर्ने : सभापति कोइराला

पोखरा । गण्डकी प्रदेशका अर्थ तथा विकास समितिका सभापति दीपक कोइरालाले विकासको नेतृत्व माओवादी केन्द्रले गर्ने बताएका छन् ।

पोखरा १६ अर्मलाकोटमा आयोजित बृहत्त भेटघाट तथा छलफल कार्यक्रममा बोल्दै सभापति कोइरालाले उक्त कुरा बताएका हुन् ।

कोइरालाले  अहिलेको राजनैतिक परिवर्तन माओवादीकै नेतृत्वमा भएको  र अब विकासको.परिवर्तन पनि माओवादीकै नेतृत्वमा मात्र सम्भव भएको दावी गरे ।

प्रचण्ड पहिलोपटक प्रधानमन्त्री हुँदा पहिलो भ्रमण चाइना गर्दे पोखरामा अन्तराष्ट्रिय विमानस्थलको लागि कुरा अगाडि बढाएको यस्तै मध्यपहाडी लोकमार्ग निर्माण अवधारण अगाडि सारेको  नेपालमा पूर्व पश्चिम रेल मार्ग बन्नुपर्छ भनेर अवधारणा ल्याने पार्टीनै माओवादी भएको बताए ।

नेकपा माओवादी केन्द्रका प्रदेश सदस्य तथा अखिल नेपाल खेलकुद महासंघ प्रदेश इन्जार्च जीवन खाती, नेकपा माओवादी केन्द्रका युवा नेता विपिन आचार्य, अर्मला कोट घर भई हाल युकेमा कार्यरत पर्ता परियार, नेकपा माओबादी १६ अध्यक्ष  निर्मल आचार्य लगायतले अर्मलाकोटको विकासको लागि आ-आफ्ने ठाउँबाट सहयोग गर्ने बताए । 

अर्मलाकोट सामुदायिक  होमस्टेका अध्यक्ष बविता गुरुङको अध्यक्षतामा भएको कार्यक्रमको सञ्चालन दीपक परियारले गरेका थिए । 

गाउँ सहर संवाददाता