संसदमा एमालेकाे नाराबाजीबीच चार अध्यादेश स्वीकृत, बैठक पुष १८ गतेसम्मका लागि स्थगित
- गाउँ सहर संवाददाता
- ७ पौष बुधबार, २०७८ | १४:३७:०० मा प्रकाशित

काठमाडाैं । आज पनि प्रमुख प्रतिपक्षी दल एमालेका सांसदहरूले संघीय संसद् प्रतिनिधि सभाको बैठक अवराेध गरेका छन् ।
अवरोधकै बीच चार अध्यादेश स्वीकृत गर्दै बैठक ११ दिनका लागि स्थगित गरिएको छ ।
सभामुख अग्निप्रसाद सापकोटा पुस १८ गतेसम्मका लागि स्थगित गरेका हुन् ।
'नेपाल प्रहरी र प्रदेश प्रहरी(कार्यसञ्चालन, सुपरिवेक्षण र समन्वय पहिलो संशोधन),२०७८', 'तेजाब तथा अन्य घातक रासायनिक पदार्थ(नियमन)अध्यादेश, २०७८', 'समाजिक सुरक्षा(पहिलो संशोधन)अध्यादेश, २०७८' र 'रेल्वे अध्यादेश,२०७८' स्वीकृत भएको हो ।
बैठकमा चारवटै अध्यादेशमाथि नेपाल मजदुर किसान पार्टीका सांसद प्रेम सुवालले विरोधको सूचना प्रस्तुत गरेका थिए । तर सो प्रस्ताव बहुमत अस्वीकृत भएको थियो ।
गत भदौदेखि संसदमा विरोध जनाउँदै आएको एमालले बुधबार पनि जारी राखेको थियो। सरकारले र सभामुख अग्निप्रसाद सापकोटाले प्रतिपक्ष दल फुटाउने मतियारको भूमिका खेलेको भन्दै भदौदेखि निरन्तर विरोध गरिरहेको छ ।
संसद बैठक सुरु हुनेवित्तिकै एमाले सांसदहरुले सदाझैं ‘संसदीय मर्यादा कायम गर, पक्षपातपूर्ण व्यवहार बन्द गर, पार्टी फुटाउने षड्यन्त्र मुर्दावाद’लगायतका नारा लगाउँदै बेल घेरेका थिए ।
एमालेले नाराबाजी कायम राखेपछि विरोधकै बीच संसदका नियमित कामकारबाही अघि बढाइएको थियो । कार्यसूचीअनुसार विधेयक पेश र त्यसमाथिको छलफललाई निरन्तरता दिइएको थियो । केही दिनदेखि विरोध र विरोधकै बीच संसद सञ्चालन हुने क्रम दोहोरिरहेको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- यस्ताे आयाे आगामी आर्थिक वर्ष २०८२/८३ काे माैद्रिक नीति (पूर्णपाठ)
- विवाह गरेर ३० वर्षभित्र तीन सन्तान पाइसक्न प्रधानमन्त्रीको आग्रह
- आज विश्व जनसङ्ख्या दिवस
- आज गुरु पूर्णिमा र व्यास जयन्ती मनाइँदै
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
- २७ सय विन्दुबाट घट्यो नेप्से परिसूचक, कारोबार रकम ८ अर्ब ३७ करोड
- यी हुन् कुलिङ पिरियडमा भएको बदमासी छानबिन गर्ने विशेष समितिका ७ सदस्यहरुको नाम
प्रतिकृया दिनुहोस